فٹبال ورلڈکپ میں اپنی پسندیدہ ٹیم کے میچز اسٹیڈیم میں دیکھنا ہر مداح کا خواب ہوتا ہے جس کے لیے وہ طیارے سے میزبان ملک کا رخ کرتے ہیں۔
مگر فرانس سے تعلق رکھنے والے 2 افراد نے یہ خواب پورا کرنے کے لیے اپنے ملک سے قطر تک سائیکل پر سفر کیا۔
گیبرئیل مارٹین اور Mehdi Balamissa نے 3 ماہ کے دوران 4350 میل کا فاصلہ سائیکل پر طے کیا اور اپنی ٹیم فرانس کو کھیلتے دیکھنے کے لیے قطر پہنچے۔
Mehdi Balamissa نے ایک انٹرویو میں بتایا کہ یہ دیوانہ پن تھا مگر ہمیں اس طرح کے خیالات پسند ہیں اور ہمیں اس پر کوئی افسوس نہیں۔
انہوں نے بتایا کہ چونکہ ہم کسی سے ملازمین نہیں تو ہم نے سائیکل سے قطر جانے کا فیصلہ کیا۔
اس سفر کا آغاز پیرس کے Stade de France اسٹیڈیم سے ہوا اور اس کا اختتام قطر کے Lusail اسٹیڈیم پر ہوا جہاں فٹبال ورلڈکپ کا فائنل کھیلا جائے گا۔
دونوں دوستوں نے روزانہ اوسطاً 115 کلومیٹر کا فاصلہ طے کیا۔
اس سے قبل یہ دونوں 2021 میں یورو کپ کو دیکھنے کے لیے فرانس سے اٹلی سائیکل پر جاچکے تھے اور اسی تجربے کو دیکھتے ہوئے انہوں نے قطر جانے کا فیصلہ کیا۔
قطر پہنچنے کے بعد فرنچ فٹبال فیڈریشن (ایف ایف ایف) نے دونوں دوستوں کو ٹیم سے ملاقات کے لیے مدعو کیا اور گروپ مرحلے کے تینوں میچز کی ٹکٹیں فراہم کیں۔
فرانس کے منیجر Didier Deschamps نے دونوں دوستوں کو فرنچ ٹیم کی جرسی بھی دی جس پر تمام کھلاڑیوں نے دستخط کیے تھے۔
Mehdi Balamissa نے بتایا کہ بیشتر فرنچ افراد نے ہمیں قطر کے مختلف مقامات پر لے جانے کی پیشکش بھی کی۔
وہ دونوں 13 مختلف ممالک سے گزر کر قطر تک پہنچے تھے اور اس دوران مختلف مشکلات کا بھی سامنا ہوا مگر ان کا جوش و خروش کم نہیں ہوا۔
انہوں نے سعودی عرب میں پیش آنے والے ایک دلچسپ واقعے کے بارے میں بھی بتایا۔
وہ دونوں سعودی شہر ریاض سے نکلے تو سائیکل کی مرمت کے لیے دکان ڈھونڈنا مسئلہ بن گیا اور وہ 15 گھنٹے بعد دوبارہ اسی جگہ پہنچ گئے جہاں سے چلے تھے۔
انہوں نے بتایا کہ سفر کے دوران وہ زیادہ تر کھلی سڑک پر رہتے تھے اور کبھی کبھار کوئی مقامی فرد انہیں کھانا کھلا دیتا تھا۔
