پاکستانی اداکارہ مریم نفیس کا کہنا ہے کہ انہیں اسلام آباد یونائیٹڈ کے کھلاڑی اعظم خان بہت پسند ہیں۔
جیو نیوز کے پروگرام ’ہارنا منع ہے‘ میں 500 کی دوڑ میں کرکٹر عبدالرزاق نےاداکارہ مریم نفیس کو ہرادیا۔
شو کے دوران گزشتہ روز کوئٹہ گلیڈی ایٹرز اور لاہور قلندرز کے میچ پر دلچسپ تبصرہ بھی کیا گیا۔
سابق کرکٹر عبد الرزاق کا کہنا تھا کہ کوئٹہ گلیڈی ایٹرز نے اچھی شروعات کی تھی لیکن لاہور قلندرز کے سکندر رضا نے بہت اچھی بیٹنگ کی۔
کرکٹر یاسر شاہ کا کہنا تھا حسین کا کھیلنا ضروری تھا اس کے نہ کھیلنے سے ٹیم کو نقصان ہوا۔
اداکارہ مریم نفیس نے کہا کہ مجھے منفی کردار اداکرنا اچھا لگتا ہے جب کہ کرکٹرز میں مجھے اعظم خان بہت پسند ہے۔
