سان فرانسسكو: یوٹیوب نے اپنی ایپ کو بہتر بنانے کےلیے کئی اقدامات سمیت ایک اور سہولت پیش کر دی ہے جس کے تحت یوٹیوبر اپنی ویڈیو اَپ لوڈ کرتے ہوئے اس کی پروسیسنگ اور اَپ لوڈنگ کا وقت بھی معلوم کرسکتے ہیں۔
یہ سروس بالخصوص ان افراد کے لیے بہترین ثابت ہوسکتی ہے جو خاص وقت اور دن کو اپنی ویڈیو اَپ لوڈ کرتے ہیں۔ اس ضمن میں یوٹیوب اسٹوڈیو سے اب ایس ڈی، ایچ ڈی اور فورکے سمیت ہر طرح کی ریزولوشن والی ویڈیو کا پروسیس ٹائم معلوم کیا جا سکتا ہے۔
بس یہ کرنا ہوگا کہ اپ لوڈ ڈائیلاگ کے نیچے آئکن والی پٹی پر کرسر رکھیں جس کے بعد مزید تفصیلات سامنے آجائیں گی جس میں پروسیسنگ کی تازہ کیفیت اور کام مکمل ہونے کا وقت بھی سامنے ظاہر ہوجائے گا۔ تاہم اس کا انحصار کئی عوامل پر ہوتا ہے جن میں ویڈیو فارمیٹ، ویڈیو کی لمبائی، اور فی سیکنڈ فریم وغیرہ پر ہوتا ہے۔
سان فرانسسكو: یوٹیوب نے اپنی ایپ کو بہتر بنانے کےلیے کئی اقدامات سمیت ایک اور سہولت پیش کر دی ہے جس کے تحت یوٹیوبر اپنی ویڈیو اَپ لوڈ کرتے ہوئے اس کی پروسیسنگ اور اَپ لوڈنگ کا وقت بھی معلوم کرسکتے ہیں۔
یہ سروس بالخصوص ان افراد کے لیے بہترین ثابت ہوسکتی ہے جو خاص وقت اور دن کو اپنی ویڈیو اَپ لوڈ کرتے ہیں۔ اس ضمن میں یوٹیوب اسٹوڈیو سے اب ایس ڈی، ایچ ڈی اور فورکے سمیت ہر طرح کی ریزولوشن والی ویڈیو کا پروسیس ٹائم معلوم کیا جا سکتا ہے۔
بس یہ کرنا ہوگا کہ اپ لوڈ ڈائیلاگ کے نیچے آئکن والی پٹی پر کرسر رکھیں جس کے بعد مزید تفصیلات سامنے آجائیں گی جس میں پروسیسنگ کی تازہ کیفیت اور کام مکمل ہونے کا وقت بھی سامنے ظاہر ہوجائے گا۔ تاہم اس کا انحصار کئی عوامل پر ہوتا ہے جن میں ویڈیو فارمیٹ، ویڈیو کی لمبائی، اور فی سیکنڈ فریم وغیرہ پر ہوتا ہے۔
یوٹیوب نے دوسری سہولت دی ہے کہ جیسے ہی سب سے کم ریزولوشن والی ویڈیو پروسیس ہوتی ہے وہ اَپ لوڈ ہوجائے گی اور جیسے جیسے ہائی ریزولوشن والی ویڈیو یعنی ایچ ڈی اور فورکے پروسیس ہوتی ہیں وہ اس میں جگہ بناتی جائیں گی۔ یہ تمام سہولیات چند دنوں میں دستیاب ہوں گی جبکہ اسٹوڈیو کا نیا ڈسپلے بھی بنایا گیا ہے۔
دوسری جانب یوٹیوب نے ڈیٹا چینل کو مزید تفصیلی اور آسان بنانے کا اعلان بھی کیا ہے جسے ڈیٹا اسٹوریز کا نام دیا گیا ہے۔ اس میں دیکھنے والوں کے رحجان، ٹریفک کی معلومات اور سرچ کی ورڈ وغیرہ بھی واضح کئے جائیں گے۔ اس کے لیے یوٹیوب نے انسائٹ پینل بھی بہتر کئے ہیں۔
