کراچی پریس کلب کے سالانہ انتخابات میں ڈیموکریٹس پینل آئندہ سال 2023 کے لیے بلامقابلہ منتخب ہوگیا، جس پر وزیر اطلاعات سندھ شرجیل انعام میمن نے نومنتخب عہدیداران کو مبارک باد پیش کی ہے۔
کراچی پریس کلب کے سالانہ انتخابات میں ڈیموکریٹس پینل کی شاندار کامیابی پر شرجیل انعام میمن نے مبارکباد پیش کی اور کہا کہ صدر سعید سربازی ، نائب صدر مشتاق سہیل ، خازن اہتشام سعید قریشی ، سیکرٹری شعیب احمد ، جوائنٹ سیکرٹری محمد اسلم خان کو بلا مقابلہ منتخب ہونے پر مبارکباد پیش کرتے ہیں۔
صوبائی وزیر نے کہاکہ پریس کلب کی گورننگ باڈی میں ذوالفقار واہوچو ، ذوالفقار راجپر ، شمس کیریو، رفیق بشیر، کلثوم جہاں، محمد فاروق سمیع اور محمد فاروق وہرہ کو منتخب ہونے پر بھی دلی مبارکباد پیش کرتا ہوں۔
شرجیل انعام میمن نے کہاکہ ڈیموکریٹس پینل کی بلا مقابلہ کامیابی ان کی بہترین کارکردگی کا ثبوت ہے، کراچی پریس کلب کی ملک میں الگ پہچان ہے، امید ہے کہ نو منتخب عہدیداران کراچی پریس کلب کی شاندار روایات کو قائم رکھیں گے۔
صوبائی وزیر اطلاعات شرجیل انعام میمن نے کہاکہ سندھ حکومت صحافت اور صحافتی اداروں کی مضبوطی میں یقینی رکھتی ہے ، کراچی پریس کلب کے نو منتخب عہدیداران سے سندھ حکومت اپنا تعاون جاری رکھے گی۔
دوسری جانب مسلم لیگ فنشکنل، ایم کیو ایم، پی ٹی آئی نے بھی کراچی پریس کلب میں بلا مقابلہ کامیابی پر ڈیموکریٹس کو مبارک باد پیش کی اور نومنتخب عہدیداران کیلیے نیک خواہشات کا اظہار کیا۔
